#1 بربي نحب نستشير على رخصة بناء منزل هل اني ناخذها مالبلدية أو من وزارة التجهيز و هل انو المهندس وقت يخدم ال plan ما يكونش عندو طابع اما معمل على عرفو باش يحط الطابع متاعو تكون فاها اشكالية وقت نحب نطلع الرخصة.... الرجاء اجابتي سريعا و مع الشكر فأنا تقريبا في ورطة #2 هو في العادة يعملوا مهندس و يطبع فيه و توافق عليه البلدية... ادارة التجهيز تتدخل في رخص البناء على الطرقات الرئيسية (كنت عشت حالة مشابهة في مدينتي) لتقدم ما يعرف بقرار التصفيف... لا اعلم ان كان يهم كل الولايات او بعضها فقط... #3 الوثائق المكونة لملف رخصة بناء >>> كل مواطن يرغب في إقامة بناء أو القيام بترميم بناء قديم, أو إجراء إصلاحات عليه مطالب باستخراج رخصة بناء. لأجل ذلك عليه الإستظهار بالوثائق التالية: مطلب على ورق عادي ممضى من قبل طالب الرخصة أو من ينوبه. (2 نظائر) شهادة ملكية أو حكم استحقاقي أو وثيقة أخرى تثبت أن قطعة الأرض المزمع إقامة البناء عليها ملك له. (2 نظائر) بطاقة إرشادات فنية تسلم من قبل الإدارة ممضاة من طرف المهندس المعماري مصمم المشروع. (2 نظائر) مشروع بناء في خمسة نظائر. (5 نظائر) وصل إيداع التصريح بالضريبة على دخل الأشخاص الطبيعيين أو الضريبة على الشركات.
(5 نظائر) وصل خلاص المعاليم الموظفة على العقار موضوع مطلب رخصة البناء. (2 نظائر) دراسة فنية للنجاعة الحرارية للمباني المعدة للسكن الجماعي و للمباني المعدة للمكاتب و التي تفوق مساحتها المغطاة 500م² (معدة من طرف مهندس معماري أو مكتب دراسات و مصادق عليها من طرف مكتب مراقبة مرخص من وزارة التجهيز و الإسكان) (2 نظائر) مذكرة تقديمية (2 نظائر) نسخة من بطاقة التعريف الوطنية (2 نظائر) #4 هو المنزل لن يكون على طريق رئيسي و لكن المشكلة تكمن في انو المهندس نصحني باستخراج رخصة تحسين مسكن والدي و نستغل الرخصة هاكي باش نبني داري على خاطرني باش نبني مع جنبو و قالي ماهو باش يشوفك حد خاطر باش نبني في بلاصة بعيدة على العينين و قالي كان تحب امور قانونية لازمك رخصة من وزارة التجهيز اما راهي تتكلف وزيد ال plan اللي خدمو باش يتبدل خاطر في الاصل فما ثنية باش تتحل نهار اخر و اني ما احترمتهاش و باش ترصي نبدل في كل شيء والله لا فهمت شنيا لازمني نعمل, يعني حسب ما فهمت في حالتي اني وزارة التجهيز ما عندها حتى دخل ؟؟؟ #5 هالادارات ما تفهمهاش كيفاش كل ولاية يحكموا فيها باحكامهم... انا عندي ارض بيضاء بعيدة عن الطريق الرئيسي بنيت فيها دار لم تدخل لا التجهيز و لا غيره فقط المهندس و البلدية لا اكثر و عندي بناية بنيت فوقها على طريق رئيسي عملت فيها قرار تصفيف و ما خدمتش بيه (قالي لازمك توخر 4 ميترو على الكياس الرئيسي قتلو هات عوضني فلوس قالي لا الدولة ما تعوضش قتلو و انا ما عطيش ارضي بلاش عملت القرار على الورق و بنيت كيف ما حبيت انا) المهم انا نحكيلك على اراضي في منطقة بلدية.... #6 عيشك خويا على المعلومة حاجة اخرى برك نحب نعرفها و سامحني كان كثرت عليك يعني البلدية كيفها كيف التجهيز الزوز يعطيو رخص (نقصد رخصة كاملة مش تحسين مسكن) مع العلم اني زادا في منطقة بلدية #7 االسلام عليكم عندي سؤال: المعاليم البلديّة الموظّفة على العقار كيفاش تتحسب انا الارض متاعي 150م #8 ماهي تكلفة رخصة بناء باحتساب اجر المهندس المعماري ل R+2 و مساحة مغطاة تقدر ب 156 متر مربع ؟ شكرا #9 السلام عليكم صراحة حبيت اتقدم برخصة البناء فاستوجب عليا شهادة ابراء ذهبت الى قباضة لدفع معلوم 3 سنوات مع العلم أنا أملك عقار واحد ومسجل في القباضة لكن الموضفه قلت إنه مزال مسجل على ملك الورث فاقترحت عليا أنا ادفع معاليم كل عقارات والدي المتوفي و- بشهادة ابراء إسطيع أنا أخد من البلديه شهادة ترسيم في عقاري لكي اسطيع سنة 2020 أنا ادفع عقاري الوحيد فوفقت فاخدت شهادة ترسيم 27 ديسمبر2019 وأصبح إسمي مجود في نظام القباضة لكن في 8 جانفي حين طلبتو تخلصه عقاري وأخد شهادة ابراء 2020 لم توافق و- قلت لي ورثة جدك يعني عمي وعمتي ليس خالصين مع العلم أني 2019 في اعفاء لم تقلي عن ورثت جدي أنا أسف على أطوال لكن والله أنا مخي مشى في مشكلة فهل من مساعد وهل الموضفه تستغل في جهلي من القانون
wetten-bonus.com, 2024